Жаңалықтар

Министр жалақы мөлшері қашан көтерілетінін айтты

26.06.2020

1 мин

5

1619

Еңбек және халықты әлеуметтік қорғау министрі Біржан Нұрымбетов әлеуметтік төлемдердің көлемі не себепті төмен екенін айтты.

Министр халыққа әлеуметтік көмек көрсету қажеттігін, сондай-ақ оның не себепті төмен екенін түсіндірді.

"Халықтың басым көпілішінің табысы төмен. Сараптама жасау барысында бір адамға шаққанда халықтың табысы 59 мың теңгеден аспай отыр", - деді Нұрымбетов халыққа есеп беру кездесуінде.

Министр әлеуметтік төлемдер тікелей салыққа байланысты екенін атап өтті. Ал халықтың жалақысы аз болғандықтан, сәйкесінше мемлекетке де салық аз түседі.

"Бәрімізді қамтамасыз етіп отырған – жұмыс істейтін азаматтар. Кезінде Маргарет Тэтчер айтқандай, "мемлекеттік бюджет" деген түсінік жоқ, ол – салық төлеушілердің ақшасы" деген. Сол себепті біз еліміздің жұмыс істеп жүрген азаматтарын қолдауымыз керек. Ресми мәлімет бойынша мемлекетте орта жалақының көлемі 200 мың теңгеден аспайды. Оның ішінде азаматтардың 77%-ы 200 мың теңгеден де төмен жалақы алады", - деді Нұрымбетов.

Министрдің айтуынша, ауылда жалақы 105 мың теңгеден аспайды. Жалақы мөлшері еліміздің әр аймағында әртүрлі. Мысалы, Солтүстік Қазақстан, Жамбыл мен Түркістан облысында орташа жалақы 140-145 мың теңгеден көп емес.

"Бюджеттік сала қызметкерлерінің жалақысы тікелей үкіметке байланысы.  Бүгінде мемлекеттік қызметкерлер саны 1 миллион 300 мыңдай. Былтыр дәл осы уақытта бюджеттік қызметкерлерге жалақы орта есеппен 30%-ға көтерілді. Осы жылдың басында дәрігерлерге, мұғалімдерге, әлеуметтік қызметкерлерге, мәдениет саласының мамандарына еңбекақыны көбейтті. Ал жеке секторда 5,5 миллион адам жұмыс істейді. Бұл жерде жалақының мөлшерін жұмыс беруші белгілейді", - дейді Нұрымбетов.

Айта кетейік, алдағы уақытта үкімет ең төменгі жалақыны көтеруді жоспарлап отыр.