|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Шри-Ланкада өтіп жатқан бокстан 22 жасқа дейінгі Азия чемпионатында Жанкелді Ахметовтің жетекшілігіндегі Қазақстан қыздар құрамасы тамаша нәтиже көрсетті, - деп хабарлайды Dauletten.kz.
Финалға шыққан ұлттық команданың барлық 12 спортшысы қарсыластарын айқын басымдықпен жеңіп, чемпион атанды. Туризм және спорт министрлігінің мәліметінше, бұл жарысқа Азия құрлығының 21 мемлекеті қатысты.
Атап айтқанда, Қазақстаннан бөлек Ауғанстан, Аустралия, Бангладеш, Бутан, Камбоджа, Үндістан, Ирак, Қырғызстан, Сауд Арабиясы, Кувейт, Малайзия, Моңғолия, Палестина, Солтүстік Корея, Шри-Ланка, Сирия, Таиланд, Тәжікстан, Біріккен Араб Әмірліктері және Вьетнам елдерінің өкілдері 12 салмақ дәрежесінде жүлде үшін бақ сынады.
Жеңімпаз атанған қазақстандық боксшылар:
• 48 келі – Айым Танкибаева
• 50 келі – Сила Биболсынқызы
• 52 келі – Рахмина Абдумежитова
• 54 келі – Жанель Имантаева
• 57 келі – Ақнұр Тұрсынғали
• 60 келі – Толғанай Қасымхан
• 63 келі – Алина Құдайгенова
• 66 келі – Ақбота Есімбекова
• 70 келі – Мария Сидоренко
• 75 келі – Зарина Толыбай
• 81 келі – Құралай Егінбайқызы
• +81 келі – Сабина Жақсылық.
