|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"Қазақстан темір жолы” Алматы – Түркістан – Ташкент – Самарқанд – Шымкент – Алматы бағытында Jibek Joly 2.0 туристік пойызының іске қосылғанын мәлімдеді, - деп хабарлайды Dauletten.kz.
Турдың ұзақтығы бес күнді құрайды. Пойыз 2 қаңтарда жолға шығып, 7 қаңтарда оралады.
- Туристік пойыз жаңа отандық өндірістің вагондарынан жасалған, ішкі интерьері жайлы және ұлттық ою-өрнек элементтерімен безендірілген. Вагон-ресторандарда жолаушыларға гастрономиялық тағамдар ұсынылады. Пакетке мыналар кіреді: жол жүру, гидтермен бірге тур бағдарламасы, кіру билеттері мен трансферттермен экскурсиялар, – деп хабарлады ұлттық компания.
Түркістанда жолаушылар Қожа Ахмет Яссауи кесенесін, Арыстан баба кесенесін, Отырар мұражайын және басқа да тарихи орындарды көреді. Ташкентте туристер Хазрет-Имам тарихи кешенін, Барак хан медресесін, Әбу-Бакр Қаффали Шаши және Төле би кесенелерін, сондай-ақ Magic City тақырыптық паркінің және Өзбекстан астанасының басқа да заманауи көрікті жерлерін аралайды. Самарқанда бағдарлама Шахи-Зинда кешенін, Гур-Эмир кесенесін, Регистан алаңын Шер-Дор, Тилля-Кари және Ұлугбек медреселерімен көруге, сондай-ақ Шымкенттегі көрікті жерлерді тамашалауға арналған.
Алғашқы туристік пойыз Алматы – Түркістан – Ташкент – Алматы бағытында қараша айында жүріп өтті.
Қазіргі уақытта ересектер үшін тариф 180 мың теңге, балалар үшін – 117 мың теңге.
