Жаңалықтар

Қырғызстанда, Тәжікстанда және Қытайда жер сілкінісі болды

24.11.2024

1 мин

1

421

Сурет: depositphotos

Қырғызстанда, Тәжікстанда және Қытайда жер сілкінісі болды, - деп хабарлайды Dauletten.kz.

Қазақстан Ұлттық деректер орталығының мәліметінше, Астана уақытымен 10:45-те Қытай мен Қырғызстанның шекаралас аймағында жер сілкінісі тіркелді. Оның магнитудасы 4,8 баллды құрады.

Еуропалық Жерорта теңізі сейсмологиялық орталығының (EMSC) ақпараты бойынша, эпицентр Қытайдың Тумхук қаласынан солтүстік-батысқа қарай 169 шақырымда және Қырғызстанның Қызыл-Суу елді мекенінен оңтүстікке қарай 140 шақырымда орналасқан.

Келесі жер сілкінісі магнитудасы 6 балл Тәжікстанда Астана уақытымен 13:33-те тіркелді. EMSC деректеріне сәйкес, оның эпицентрі Каракенджиден солтүстік-шығысқа қарай 28 шақырым жерде болған.

Соңғы жер сілкінісінің магнитудасы 4,9 баллды құрады, ол Астана уақытымен 15:06-да Қытай аумағында тіркелді. EMSC мәліметінше, эпицентр Алматыдан оңтүстік-шығысқа қарай 368 шақырымда және Қытайдың Ақсу қаласынан солтүстік-шығысқа қарай 90 шақырымда орналасқан.

Зардап шеккендер мен қираулар туралы ақпарат түскен жоқ.