|
|
|
| Товарные рынки | ||
| BID | ASK | |
| Brent | 0.00 | 100.48 |
| Лайт | 0.00 | 96.05 |
| Данные на 14:40 мск | ||
Бүгін Азия чемпионатының шешуші матчында Қазақстан құрамасы Жапонияны 5:1 есебімен ұтты, - деп хабарлайды Dauletten.kz.
Қазақстандық команданың капитаны Евгений Рымарев дубль авторы атанса, қорғаушылар Егор Наместников пен Владимир Гребенщиков, сондай-ақ шабуылшы Евгений Королинский бір-бір шайбадан соқты. Жапония сапынан жалғыз голды Таига Ирикура салды.
Турнир қорытындысы бойынша Қазақстан мен Жапония 6 ұпайдан жинады, алайда жеке кездесудегі нәтижеге байланысты жеңіс отандастарға бұйырды. Осылайша, тарихта алғаш рет өткен хоккейден Азия чемпионатының алтыны Қазақстанның қоржынына түсті. Жапония құрамасы күміс медальды иеленсе, Оңтүстік Корея қола жүлдеге қол жеткізді. Ешбір матчта жеңіске жете алмаған Қытай хоккейшілері турнирді төртінші орынмен аяқтады.
Айта кетейік, Қазақстан құрамасы Алматыдағы Азия чемпионатын жеңіліспен бастаған еді. Олег Болякин шәкірттері алғашқы ойында Оңтүстік Корея командасына жол берді (4:1). Бірақ ұлттық құрама екінші матчта Қытайды ірі есеппен жеңіп, жағдайды түзеді.
