Жаңалықтар

Тоқаев Самарқандта Еуропалық Кеңес президентімен кездесті

03.04.2025

1 мин

0

115

Сурет: Ақорда

Президент Қасым-Жомарт Тоқаев Самарқандқа жұмыс сапарымен барып, онда Еуропа Одағы өкілдерімен бірқатар кездесу өткізуді жоспарлаған, - деп хабарлайды Dauletten.kz Ақордаға сілтеме жасап.

“Орталық Азия – Еуропа Одағы” саммитіне қатысу аясында Тоқаев алдымен Еуропалық Кеңес президенті Антониу Коштамен жүздесті.

Еуропа Одағы – Қазақстанның негізгі сауда серіктестерінің бірі әрі ең ірі шетелдік инвестор:

• Қазақстанға тартылған тікелей шетелдік инвестициялардың 40%-дан астамы ЕО елдеріне тиесілі;
• 2024 жылы Қазақстан мен ЕО арасындағы тауар айналымы 50 млрд долларға жуықтады, бұл ЕО мен Орталық Азия елдері арасындағы жалпы сауда көлемінің 80%-ын құрайды.

Кездесуде мемлекет басшылары:

• экономиканың түрлі секторларындағы өзара тиімді ынтымақтастықты одан әрі дамыту мәселелерін талқылады;
• Қазақстан мен Еуропалық Кеңес арасындағы қарым-қатынасты өзара сенімге, стратегиялық мүддеге және ұзақмерзімді әріптестікке негіздей отырып нығайтудың маңыздылығын атап өтті.

Сонымен қатар, Қасым-Жомарт Тоқаевтың Еуропалық комиссия президенті Урсула фон дер Ляйенмен кездесуі жоспарланған.