|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елімізде зейнетақы аннуитетін рәсімдеу шарттарына өзгеріс енгізілді. Нәтижесінде, зейнетақы төлемдерін ерте алуға болады. Бұл туралы Қаржы нарығын реттеу және дамыту агенттігі төрағасының орынбасары Мария Хаджиева айтты.
Ресми ақпаратқа сүйенсек, зейнетақы жинағындағы қаражаттың бір бөлігін пайдаланудан бөлек, зейнетақы аннуитетін рәсімдеу шарттарына өзгеріс енгізілді. Мәселен, өткен жылы зейнетақы аннуитетін жасау үшін жеткілікті сома 55 жастағы ер адамдар үшін 11,3 млн теңге, ал 51,5 жастағы әйелдер үшін 15,5 млн теңге болды. Биылдан бастап ер адамдар 6,7 млн теңгеден және әйелдер 9,0 млн теңгеден бастап зейнетақы аннуитетін рәсімдей алады. Оны алдын ала 45 жаста да жасап қоюға болады. Бұл үшін есепшотта 6,1-7,7 миллион теңге болуы шарт. Ал 55 жастан бастап зейнетақы төлемдері беріледі.
Азаматтар зейнетақы аннуитетін өмірді сақтандыру жөніндегі компаниядан сатып алу құқығын пайдалана алады.
Сонымен қатар, ағымдағы жылы бірлескен аннуитеттерді енгізу жоспарланып отыр, яғни шарт бойынша бір адамның емес, бірнеше адамның қатысуын көздейді.
"Бірлескен аннуитет жақын туыстардың зейнетақы жинақтарын біріктіруге және аннуитет шарты бойынша кірісті қайта бөлуге мүмкіндік береді. Мысалы, ерлі-зайыптылардың бірінің ӨСК-ден аннуитет сатып алуға зейнетақы жинағы жетпейтін болып, екіншісінде артық болса, бірлескен зейнетақы аннуитеті арқылы екеуіне де өмір бойы төлемдер төленеді", - дейді Мария Хаджиева.
Тағы көру
