USD
EUR
RUB
Brent мұнайы
WTI мұнайы
Нұр-Сұлтан
Нұр-Сұлтан
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің ұсынысыңыз сәтті жіберілді, Рахмет!
Жаңалықтар

Зейнетақыға 40 мың теңге қосылатыны жайлы ақпарат тарады

10.04.2021
1 мин
0
1194
Зейнетақыға 40 мың теңге қосылатыны жайлы ақпарат тарады

Еңбек және халықты әлеуметтік қорғау министрлігі зейнетақыға үстемеақы қосылатыны туралы ақпаратты жоққа шығарды, деп жазды stopfake.kz.

Мемлекет басшысы Қасым-Жомарт Тоқаевтың жарлығымен мамыр айында барлық зейнеткер зейнетақыға 40 мың теңге мөлшерінде үстемеақы алатыны туралы хабарлама таралды. Еңбек және халықты әлеуметтік қорғау министрлігі бұл ақпаратты жоққа шығарды.

"Мессенджерлер мен әлеуметтік желілерде мамыр айынан бастап зейнетақыға 40 мың теңге мөлшерінде жаңадан үстемеақы төленетіні туралы ақпарат шындыққа жанаспайды. Қолданыстағы заңнамада зейнетақыға үстемеақы мен қосымша ақы төлеу қарастырылмаған", – делінген хабарламада.

Қазіргі кезде зейнетақы үш бөліктен тұрады: базалық, ортақ және жинақтаушы зейнетақы.

Қазақстан президентінің 2014 жылғы 18 маусымдағы жарлығымен бекітілген Қазақстан Республикасының зейнетақы жүйесін одан әрі жаңғыртудың 2030 жылға дейінгі тұжырымдамасына сәйкес ынтымақты зейнетақының мөлшерін қолайлы деңгейде ұстап тұру үшін олардың мөлшері инфляция деңгейінен екі пайызға оза отырып, жыл сайын индекстеледі. Базалық зейнетақы мөлшері де жыл сайын инфляция деңгейіне көтеріледі.

2020 жылғы 1 қаңтардан бастап ынтымақты зейнетақы 7%-ке өсті, 1 сәуірден бастап қосымша тағы 5%-ке индекстелді. Сондай-ақ базалық зейнетақы мөлшері де екі рет көтерілді. Оның өсімі 2019 жылмен салыстырғанда 10%-ті құрады.

2021 жылдың басынан бері ынтымақты зейнетақы 7%-ке, базалық зейнетақы 5%-ке өсті.

Министрлік фейк хабарламаларға назар аудармауға және тек ресми дереккөздерден алынған ақпаратқа ғана сенуге шақырады.
Сондай-ақ, ведомство жалған ақпарат тарату заң бойынша жазаланатынын еске салды.

0 Пікір
Тағы көру
Қазір желіде отырғандар
Көп оқылған мақалалар
  • тәулік
  • апта
  • ай
  • жыл