|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Жетісу облысында 4 баланың әкесі полицияның айыптауынан кейін өзіне қол жұмсады, - деп хабарлайды Dauletten.kz.
27 жастағы Азат Құдайбергеновтің қайғылы жағдайы ауылдағы дүкеннің сейфінен 300 мың теңге жоғалғаннан кейін басталған. Полиция ұрлыққа күдікті ретінде оқиғадан 10 күн бұрын сол жерде жұмыстан шыққан Азат пен оның бауыры Сағатты ұстаған.
Марқұмның бауырының айтуынша, тәртіп сақшылары нақты кінәліні іздеудің орнына, екі ағайындыға айып тағуға тырысқан. Осы жағдайдан кейін Азат электр бағанына асылып қалған. Кейін оның бас киімінің ішінен хат табылған.
Хатта ол өзінің де, інісінің де кінәсіз екенін жазып, мұндай айыптауға төзе алмайтынын мәлімдеген.
Марқұмның анасы ұлының денесінде соққы іздері болғанын айтты. Оның ерні жарылып, шынтақтарында көгерген іздер мен сызаттар анықталған.
Қазір полиция бұл оқиға бойынша қылмыстық іс қозғап, сот-медициналық сараптама тағайындады. Алдын ала тергеу жүргізілуде.
