|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2024 жылға дейін 12 өңірде 150 орындық оңалту орталықтары салынады. Бұл туралы ҚР Еңбек және халықты әлеуметтік қорғау министрі Серік Шәпкенов ведомствоның кеңейтілген алқа мәжілісінде мәлім етті.
Министр өз сөзінде Қазақстанда мүгедектігі бар адамдардың өмір сүру сапасын арттыру үшін кешенді шаралар жүзеге асырылып жатқанын атап өтті.
Айтуынша, 2021 жылғы қазанда заңнамаға бірқатар жағдайды жақсартатын нормаларды көздейтін түзетулер қабылданған.
«Нәтижесінде I топтағы мүгедектігі адамдарды күту және оларды сүйемелдеп жүру бойынша бірыңғай жәрдемақыны 26,3 мың адам алып, 57,2 мың мүгедектігі бар бала үшін жәрдемақы мөлшерін ұлғайтуды көздейтін топтарға бөлу жүргізілді және 2,8 мың алушы бір мезгілде мүгедектік және асыраушысынан айырылу жөнінде жәрдемақыларды иелене алады.
Елімізде шамамен 700 мың мүгедектігі бар адам тұрады. Экономикада еңбекке қабілеттілердің 126 мыңы немесе 25%-дан азы жұмыспен қамтылған. 2022 жылдың соңына дейін еңбекке қабілетті жастағы жұмыспен қамтылғандардың үлесін 25%-ға дейін арттыруды жоспарлап отырмыз», - деді Серік Шәпкенов.
Сонымен қатар, ведомство басшысы түйінін тарқатуды талап ететін мәселелер әлі де бар екенін атап өтті.
«Әсіресе оңалту мәселесі өзекті. Осыған байланысты 2022-2024 жылдары 12 өңірде әрқайсысы 150 орындық жаңа оңалту орталықтарын салу жоспарланған. 2021 жылы олардың құрылысы Шығыс Қазақстан, Жамбыл және Түркістан облыстарында басталды. Ағымдағы жылы Ақтөбе және Батыс Қазақстан облыстарында құрылысты жүргізу жоспарлануда. Еңбекмині бұл мәселені ерекше бақылауда ұстайды. Өңірлерде де құрылыс барысына қатаң бақылау жүргізілуі тиіс», – деді министр.
