|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"Алматы Генплан" директорының орынбасары жер телімдері бойынша алаяқтық жасағаны үшін 3,5 жылға сотталды, - деп хабарлайды Dauletten.kz.
5 қарашада сыбайлас жемқорлыққа қарсы қызмет Алматының Медеу аудандық соты шығарған үкім туралы хабарлады. Үкімге сәйкес "Алматы Генплан" ЖШС бас директорының орынбасары С.Өмірәліұлы сотталды.
Антикордың мәліметінше, ол алаяқтық жасағаны және жергілікті кәсіпкерді Алматы қаласының жер қатынастары басқармасының лауазымды тұлғаларына жер телімінің нысаналы мақсатын өзгерту үшін 9,6 миллион теңге көлемінде пара беруге итермелегені үшін кінәлі деп танылған.
- Сот үкімімен оған үш жыл алты ай мерзімге бас бостандығынан айыру және мемлекеттік қызметте және квазимемлекеттік сектор субъектілерінде қызмет атқару құқығынан өмір бойына айыру жазасы тағайындалды, – делінген хабарламада.
Сонымен қатар, сот үкімінің әлі заңды күшіне енбегенін атап өткен жөн.
Сондай-ақ, Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабының 1-бөлігіне сәйкес адамның кінәсі заңды күшіне енген сот үкімімен дәлелденбейінше, ол кінәсіз деп есептеледі.
