Жаңалықтар

Алматыда 32,7 мың жалған долларды сатқан екі тұрғынға сот үкімі шықты

07.10.2024

1 мин

0

118

Сурет: Digital Business

Алматыда жалған долларды бірнеше рет сатқан 2 тұрғынға сот үкімі шықты, - деп хабарлайды Dauletten.kz.

Оларды бақылау сатып алу кезінде ұстады, деп хабарлады ҚР АФМ. Сот екеуін де кінәлі деп тауып, 5 жылдан 5,5 жылға дейін бас бостандығынан айырды.

ҚМА жыл басынан бері Қазақстан аумағында 1 060 жалған банкнотты айналымнан шығарды.

Тәркіленген жалған банкноттардың жалпы сомасы 43 млн теңгеден асады.

Қаржылық мониторинг агенттігі Алматыда ірі көлемде жалған 100 долларды сату фактісін анықтады. Күдіктілер жалған купюраларды өткізу кезінде ұсталды. 

2 алматылық криптовалюта сатып аламыз деген желеумен жалған долларды бірнеше рет сатқан. Жалған ақшаның жалпы сомасы – 32 700 доллар.

Айта кетейік, жыл басынан бері агенттік Қазақстанда айналымнан 1060 жалған банкнот тәркіледі. Оның ішінде:

• 647 100 теңге – 141 купюра,
• 90 400 доллар – 905 купюра,
• 2 мың еуро – 4 купюра,
• 1 мың юань 10 купюра анықталды.

Сондай-ақ биыл жалған купюраны жасап сатқаны үшін сегіз адам 5 жылдан 6 жылға дейін сотталды.

ҚМА қазақстандықтарға валюта айырбастау кезінде сақ болу керегін ескертеді.