|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қаржы мониторингі агенттігінің Алматы қаласы бойынша департаменті "Amir Capital" қаржы пирамидасын құру және басқару фактісі бойынша қылмыстық істі тергеп жатыр, - деп хабарлайды Dauletten.kz.
Өзін халықаралық инвестициялық қор ретінде таныстырған компания үш жыл бойы Қазақстан, Ресей, Беларусь және Қырғызстан азаматтарын тартқан. Ұйымдастырушылар криптовалюта саудасы, майнинг және түрлі жобаларға инвестициялау арқылы ай сайын 5–10 пайыз көлемінде табыс табуды уәде еткен.
Инвесторлар ресми сайттағы реферальды сілтеме арқылы тіркеліп, жеке кабинеттерін USDT, BTC және ETH секілді криптовалюталармен толықтырған. Түскен қаржы пирамида принципімен бөлініп отырған – яғни, бұрынғы салымшыларға төлемдер кейінгі қатысушылардың қаражаты есебінен жасалған.
Қазіргі деректер бойынша, 40-тан астам адам аталған пирамидаға қаржы салған. 2021 жылдың соңында салымшылар қаражатын шығара алмай қалған. Ұйымдастырушылар мұны техникалық ақаумен түсіндіргенімен, төлемдер қайта басталмаған.
Сот санкциясымен құны 10 миллион АҚШ долларынан асатын криптоактивтер мен Алматы облысындағы жер телімі бұғатталды. Күдіктілердің бірі екі айға қамауға алынды.
Тергеу жалғасуда. Агенттік ҚР Қылмыстық-процестік кодексінің 201-бабына сәйкес өзге мәліметті жариялауға болмайтынын хабарлады.
