|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы қаласының Қылмыстық істер жөніндегі мамандандырылған ауданаралық соты 2023 жылдың наурыз айында күдіктіні азаптап, ұрлықты мойындатуға тырысқан екі полицейге үкім шығарды, - деп хабарлайды Dauletten.kz.
Сот үкімімен олар 3 жыл 6 ай мерзімге шартты түрде бас бостандығынан айырылып, пробациялық бақылауға алынды.
Оқиға 29 наурызда Алматы қаласында болған. Полиция қызметкерлері жәбірленушіні туысының пәтерінде ұрлық жасағанын мойындату үшін азаптап, нәтижесінде азамат дене жарақатын алған. Қылмыстық іс Алматы қаласының арнайы прокурорының қарауына алынып тексерілген.
Сот шешіміне сәйкес, полицейлер арнайы атақтарынан және мемлекеттік қызметте жұмыс істеу құқығынан айырылды. Сонымен қатар прокуратураның ұсынысы бойынша, бұл жағдайға қатысты бақылау жүргізбеген және қызметтік міндеттерін дұрыс орындамаған 10 полиция қызметкері, оның ішінде 5 құрылымдық бөлімше басшысы тәртіптік жауапкершілікке тартылды.
