Жаңалықтар

Forbes әлемдегі ең бай адамды анықтады: Байлығы 342 миллиард доллар

02.04.2025

1 мин

0

857

Сурет: Dauletten.kz

Forbes дәстүрлі түрде әлемдегі ең ауқатты адамдардың тізімін жариялады. Бұл жолы да рейтингтің көшін әйгілі америкалық кәсіпкер Илон Маск бастады, - деп хабарлайды Dauletten.kz.

Tesla мен SpaceX компанияларының және Х әлеуметтік желісінің иесі Масктың байлығы 342 миллиард доллар деп бағаланған.

Рейтингте екінші орында Meta корпорациясының негізін қалаушы Марк Цукерберг тұр. Оның капиталы 216 миллиард долларды құрайды.

Үздік үштікті Amazon компаниясының негізін қалаушы Джефф Безос түйіндеді, оның байлығы 215 миллиард доллар деп есептелген.

Сондай-ақ алғашқы бестікке:

• Oracle компаниясының негізін қалаушы Ларри Эллисон (192 миллиард доллар);
• Бағалы заттарымен танымал LVMH компаниялар тобының бас директоры Бернар Арно (178 миллиард доллар) енді.

Forbes миллиардерлер саны ең көп елдерді атады

Forbes әлемдегі миллиардерлердің саны бойынша елдердің рейтингін де ұсынды.

• АҚШ көш бастап тұр – елде 902 миллиардер бар.
• Қытай екінші орында (516 миллиардер).
• Үндістан үшінші орынға жайғасты (205 миллиардер).
• Германия (171 миллиардер) және Ресей (146 миллиардер) алғашқы бестікке кірді.