Ресейдің Краснодарск өлкесінің Ейск қаласындағы көпқабатты үйге Су-34 ұшағы құлады. Бұл туралы АСС агенттігі хабарлады.
Агенттіктің мәліметінше, Ейск қаласындағы 9-қабатты тұрғын үйге әскери ұшақ құлады. Тұрғын үй өртеніп жатыр. Құтқару қызметті жұмыс жүргізуде.
Ал қаланың төтенше жағдай қызметі тұрғын үйге Су-34 ұшағының құлағанын хабарлады.
Ресей Қорғаныс министрлігі таратқан хабарламаға қарағанда, Су-34 бомбалаушы әскери ұшағы оқу-жаттығу кезінде апатқа ұшыраған. Апатқа ұшақ қозғалтқыштарының бірінде шыққан өрт себеп болған. Су-34 құлаған тұрғын аудандардың бірінің ауласында ұшақтың жанармай құятын багы жарылып, өртенген.
Көз жұмғандар мен зардап шеккендер туралы ақпарат нақтылануда.
