Жаңалықтар

Банк картасын қай жерде қолданған қауіпті?

14.08.2020

1 мин

54

17000

Төлемді қолма-қал ақшадан гөрі, банк картасымен төлеу қалыпты жағдайға айналды. Әйтсе де азаматтардың онлайн төлем жасайтынын пайдаланып, картадан ақша жымқыратын алаяқтар саны артқан. Олар интернетте түрлі тәсілдерді қолданады, деп хабарлады РИА Новости қауіпсіздік жүйелері орталығының бөлім басшысы Алексей Сизовқа сілтеме жасап.  

"Интернет желісінде жалған сайттар көбейген. Азаматтар тауарға онлайн төлем жасап, алаяқтардың арбауына түсіп қалу қаупі бар. Көп жағдайда жалған сайттарды ресми порталдардан ажырату мүмкін емес", - деді ресейлік маман.

Алаяқтарға алданбас үшін басты ережелерді есте сақтау керек. Біріншіден, тек онлайн сатып алуға арналған жеке есепшоты бар арнайы карта керек. Және ол картаның ішіне сатып алынатын тауар құнынан артық ақша салмаған жөн.

"Екіншіден, сенімсіз, тексерілмеген сайттардан бағалы тауар сатып алмаған жөн. Сондай-ақ картадағы мәліметтерді ешкімге көрсетпеңіз. Банк қызметкері немесе тапсырыс бергелі отырған сайттан мамандар хабарласса да, жеке ақпаратты айтуға болмайды", - деді Сизов.

Банк картасына байланысты бірнеше ережені есте сақтаған абзал:

1. Картаңызды және PIN-кодты танымайтын жандарға тіпті жақындарыңызға, достарыңызға сеніп тапсырмағаныңыз дұрыс. Кей жағдайда картаның суретін желі арқылы жіберіп жататындар бар. Ол өте қауіпті екенін есте сақтаңыз;
2. PIN-кодты терген кезде, банкоматтың немесе POS-терминалдың клавиатурасын алақаныңызбен жабыңыз, себебі бөгде жандар немесе камера болуы әдбен мүмкін;
3. Банк қызметкерлері сіздің картаныңызда көрсетілген реквезиттерді сұрау үшін ешқашан хабарласпайды. Сол себепті өзіңіздің 16 таңбалы карта нөмірін, CVV кодты және парольді айтуға болмайды;
4. Карта жоғалған жағдайда банк қосымшасы арқылы, немесе банк қызметкеріне хабарласу арқылы барлық операцияларды тоқтатып, бұғаттаңыз;
5. Қауіпсіздік үшін, PIN-кодты өз қалауыңыз бойынша ауыстырсаңыз болады. Алайда, «5555», «1234» сияқты жеңіл жатталатын пароль қоймағаныңыз абзал.