|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Елордада Бүкіләлемдік мұғалімдер күні қарсаңында өткен NIS жүйесінің дәстүрлі «Үздік жыл мұғалімі-2023» байқауында Алматы қалалық химия-биология бағытындағы Зияткерлік мектебінің информатика пәні мұғалімі Мақпал Мұқанова жеңімпаз атанды, деп хабарлайды Dauletten.kz.
Байқауға қатысқан 22 үздік ұстаздар арасынан топ жарған жеңімпаз өзінің біліктілігімен, жан-жақтығымен, төзімділігі мен еңбекқорлығымен ұстаздың кәсіби жолында жеткен жетістіктері аз емес.
Былтыр «Болашақ» бағдарламасының грантына ие болып, жеті ай АҚШ-та тағылымдамадан өткен мұғалімнің оқушыларға берері көп.
Ұстаздар байқауында «Оқушылар және ата-аналармен тілдесу» атты үй тапсырмасы ретінде Мақпал Абдусадыққызы оқушылармен жасанды интеллектті, оның ішінде ChatGPT-ді ұтымды пайдаланған бейнефильмін үсынып, қазылар алқасының жоғары бағасына ие болды. Ұстаздың «Планета шеруінде» өткізген сабағы, «Менің педагогикалық ұстанымым» дербес көрмесі , сондай-ақ «Мен – тұлғамын, мен – мұғаліммін» педагогикалық жағдаяттардан шығу жолдарын көрсете білгені үшін «Назарбаев Зияткерлік мектептері» ДББҰ басқарма төрағасы Әнуар Жанғозин бастаған сарапшылар тобы Мақпал Мұқанованы 2023 жылдың үздік ұстазы атағына лайық деп бағалады.
