Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Дәулет Төлеутайұлы Қарағанды қаласындағы «Нәтиже» сүт фабрикасының басшысы Ерлан Әшіммен кездесті. Кездесу барысында Ерлан мырза таза құрт жасау құпиясымен бөлісіп, сүт өнімдерін шығару барысында тәжірибе алмасты.
«Басты мақсатым - ой түбіндегі арманымды жүзеге асыру. Таза құрт шығару туралы жоба естеріңізде ме?! Сол жобам Нұр-Сұлтан қаласының әкімі Алтай Сейдірұлына ұнап, тікелей маған қолдау көрсететінін айтты», - деп жазды Дәулет Төлеутайұлы Instagram парақшасында.
«Нәтиже» компаниясынан шығатын сүт өнімдері Қарағанды, Жезқазған, Нұр-Cұлтан, Екібастұз, Павлодар, Көкшетау қалаларына тарайды. Ерлан мырзаның тәжірибесі, бизнестегі сауаттылығы, білімі мен ұлттық құндылықтарды дәріптеуінің арқасында өнімдер жоғары сапаға ие. Кәсіпкердің тоқсаныншы жылдары қиын қыстау кезеңдерде бастаған бизнесінде бүгінде мыңға жуық адам жұмыс істейді.
Осы орайда, жақында қала әкімінің қабылдауында болған Дәулет Төлеутайұлы Instagram желісінде оқырмандарына қуанышты жаңалықпен бөлісті. Ол өз сөзінде Ерлан мырзаға алғысын білдіріп, көктемде Нұр-Сұлтан қаласында тағы бір отандық құрт өнімі пайда болатынын жазды.
Назерке БАЙЖАН