|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматы әкімі Ерболат Досаев қаладағы суық су тарифінің үш есе қымбаттауы жайлы түсініктеме берді, - деп хабарлайды Dauletten.kz.
Әкіммен кездесу кезінде Жетісу ауданының тұрғыны, Хожамьяров көшесінде тұратын зейнеткер 90 мың теңге зейнетақы алатынын, бірақ қаңтар айында су тарифінің үш есеге артқанын айтты. Оның сөзінше, бұған дейін айына 2 600 теңге төлесе, енді 9 мың теңгеден астам төлем түскен.
Ерболат Досаев тарифтердің күрт көтерілмегенін, ал өзгерістер тұтыну көлеміне байланысты сараланғанын атап өтті.
- Біз суды тұтыну деңгейіне қарай сараладық. Шоттар реттеледі, адам басына қанша көлем қажет екенін есептеп, тұтыну нормаларын өзгерттік. Нәтижесінде өзгерістер орын алды. Алматы тұрғындарының суды үнемді пайдаланғанын қалаймыз. Бұл – әлі де өзекті мәселе, одан айналып өте алмаймыз. Сондықтан біз әр адамға қажетті мөлшерде су тұтыну нормаларын бекіттік. Бұл ешқандай шектеу емес. Тек суды ысырап етпеу маңызды. Мысалы, бақшаны ауыз сумен суармау керек. Су – біздің басты байлығымыз. Қазіргі уақытта қосымша су көздерін іздеу жұмыстарын жүргізіп жатырмыз, – деді қала басшысы.
