|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда алғаш рет қалалар мен ауылдарда қолданылатын көктайғаққа қарсы материалдарға (КҚМ) қойылатын талаптарды анықтайтын ұлттық стандарт әзірленді, - деп хабарлайды Dauletten.kz.
Жаңа құжаттың мақсаты — жолдар мен тротуарларды қауіпсіз ету, жаяу жүргіншілер мен көлік қозғалысының қауіпсіздігін арттыру, сондай-ақ реагенттердің қоршаған ортаға зиянды әсерін азайту. Бұған дейін қолданылған ескі стандарт тек автомобиль жолдарына арналса, қалалық көшелер мен аялдамаларға сәйкес келмеген.
Стандарт қауіпсіз КҚМ түрлерін, олардың қасиеттерін және сапа көрсеткіштерін нақтылайды. Бұл қыс мезгілінде жол-көлік оқиғаларын азайтуға, адамдар мен үй жануарларының денсаулығын қорғауға мүмкіндік береді.
«ҚазжолҒЗИ» мамандарының айтуынша, стандарт қалалық ортадағы жол қозғалысының қауіпсіздігін арттыруға және қысқы жол күтімін жақсартуға бағытталған.
