Жаңалықтар

Еліміздің төрт өңірінде ауа райына байланысты ескерту жарияланды

31.05.2022

1 мин

0

1796

Алматы, Қызылорда, Қарағанды және Солтүстік Қазақстан обыстарында ауа райына байланысты ескерту жарияланды.

1 маусымда Алматы облысының шығысында, солтүстігінде және таулы, тау бөктеріндегі аудандарда найзағай ойнайды. Солтүстік-шығыстан жел соғады, облыстың шығысында желдің күші – 17-22, екпіні – 27 м/с. Талдықорған қаласында 1 маусымда күн күркірейді. Солтүстік-шығыстан жел соғады, найзағай кезінде екпіні 15-20 м/с-қа жетеді. 

1 маусымда күндіз Қызылорда облысының орталығын және оңтүстігін шаңды дауыл басады. Жел солтүстік-шығыстан, солтүстіктен соғады, күндіз облыстың орталығында және оңтүстігінде күші – 15-20 м/с. Облыстың орталығында төтенше өрт қаупі сақталады. Қызылорда қаласында 1 маусымда төтенше өрт қаупі сақталады. 

1 маусымда Қарағанды облысының солтүстігінде, шығысында найзағай, бұршақ, дауыл күтіледі. Солтүстік-батыстан жел соғады, облыстың солтүстігінде, шығысында екпіні – 15-20, күндіз – 23 м/с. 

1 маусымда Солтүстік Қазақстан облысының солтүстігінде, шығысында найзағай, бұршақ, дауыл күтіледі. Солтүстік-батыстан, солтүстіктен жел соғады, түнде облыстың солтүстігінде, шығысында күші – 15-20 м/с, күндіз басым бөлігінде 15-20 м–/с, екпіні 25 м/с. Петропавл қаласында 1 маусымда түнде найзағай, бұршақ, дауыл күтіледі. Солтүстік-батыстан, солтүстіктен жел соғады, күші – 5-20 м/с, күндіз екпіні 25 м/с-жетеді.