Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Нұр-Сұлтан қаласы Халықты жұмыспен қамту орталығында биыл 6 000 азамат жұмысқа орналасу бойынша өтінім жіберді. Оның ішінде 3 800-ден астам маман қызметке орналасса, 1 700-ден астам азамат тұрақты жұмыспен қамтылды. Бұл туралы Нұр-Сұлтан қаласы әкімдігінің ресми сайтында жарияланды.
Еліміздің бас қаласында құрылыс нысандары көп болғандықтан еңбек нарығында құрылыс саласының мамандарына сұраныс басым. Оның ішінде прораб, шебер, тас қалаушы, арматурашы, инженер-сметашы, бетоншы, кран-машинисті, ТҚҰ инженері, жұмысшыларға бос орын бар.
Сонымен қатар, «Жұмыспен қамтудың жол картасы» бағдарламасы 2021 жылы да жалғасын табады. Нәтижесінде, қала бойынша 21 жаңа жобаны іске асыру көзделген. 1 000-нан аса жаңа жұмыс орындары ашылып, қызметкерлердің 50%-і жұмыспен қамту орталығынан алынбақ.
Елордада қоғамдық тамақтану және денсаулық сақтау саласының мамандарының жетіспеушілігі байқалады.
www.enbek.kz сайтына 45 000-нан астам мекеме тіркелген. Бүгінде 1 039 нысан маман іздеуде. Бос орындар саны 7 064-ті құрайды.
Айта кету керек, Халықты жұмыспен қамту орталығы азаматтарға кәсіптік оқыту бойынша білім беруде. Жеке кәсіпкерлерді қолдау мақсатында 61 грант ұсынылды. «Атамекен» кәсіпкерлер палатасының кәсіпкерлік негіздерін оқытатын «Бастау бизнес» бағдарламасы аясында 700 маманға жолдама берілді.