|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қаржы вице-министрі Берік Шолпанқұловтың айтуынша, мемлекет пандемиямен күреске 191,9 млрд теңге бөлген.
Жақында Денсаулық сақтау министрі Алексей Цой есеп беру отырысында ақшаның қайда жұмсалғанына тоқталып, үкіметтен 114 млрд теңге бөлінгенін мәлімдеді.
Берік Шолпанқұлов басқа соманы айтып, не себепті Алексей Цойдың 114 млрд теңге дегеніне тоқталды.
«Бүгінгі күнге дейін бөлінген сома - 191, млрд теңге. Бюджетті нақтылаған кезде 125 млрд теңге, үкімет резервнінен 66,9 млрд теңге бөлініп отыр. Ақшаның қайда және қалай жұмсалғанын Қаржы министрлігі мен Денсаулық сақтау министрлігі бірге тексереді. Барлық ақша ең соңғы нүктесіне жеткенге дейін қатаң тексереміз және оны тексеру үшін қаржы министрлігінің барлық ресурсы жұмылдырылады», - деді Берік Шолпанқұлов.
Сондай-ақ Қаржы вице-министрі бірнеше күн бұрын Алексей Цойдың айтқан 114 млрд теңге сол ведомствоның ғана бақылауындағы қаражат екенін айтты. Алайда, Шолпанқұлов қалған 80 млрд теңгеге жуық ақша қайда кеткеніне толық тоқталған жоқ.
