|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Маусым айынан бастап Қарағанды мен Астана арасында жаңа электр пойызы қатынай бастайды. Бұл туралы Орталық коммуникациялар қызметінде өткен брифингте айтылды, - деп хабарлайды Dauletten.kz.
Еске салсақ, биыл 1 наурыздан бастап Балқаш пен Алматы арасында тұрақты пойыз жүре бастады. Ал қаңтар айында Астана мен Бурабай курорты арасында жаңа вагондардан құралған жедел электр пойызы іске қосылған болатын. Бұл бағыттағы жол жүру уақыты – 2,5 сағатты құрайды.
- Осыған ұқсас электр пойызы маусым айында Қарағанды мен Астана арасында қатынай бастайды. Сонымен қатар, қыркүйек айында Астана – Бурабай курорты бағыты бойынша үшінші электр пойызы жолға шығады, – деді Теміржол және су көлігі комитетінің төрағасы Жәнібек Тайжанов баспасөз мәслихатында.
Оның сөзінше, бүгіннен бастап 7 маусымға дейін Қытай туризм жылы аясында Сиань – Алматы бағыты бойынша жолаушылар пойызы жолға шыққан. Бұдан бөлек, Алматы – Түркістан – Ташкент – Самарқан – Бұхара бағытында Jibek Joly және Keruen Express атты туристік пойыздар да қатынап жатыр.
- 2024 жылдың қарашасынан бері бұл пойыздар бес рет сапарға шықты. Туристік агенттіктердің сұранысына сәйкес, олардың қозғалысы жалғасын табатын болады, – деді спикер.
