|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мәжіліс депутаты, "AMANAT" партиясы фракциясының мүшесі Еділ Жаңбыршин ҚР Премьер-Министрі Олжас Бектеновке бұралқы иттер мәселесіне қатысты депутаттық сауал жолдады, - деп хабарлайды Dauletten.kz.
Оның айтуынша, жыл сайын 38 мыңнан астам адамды ит қапса, оның жартысы – балалар. Жақында Маңғыстау облысында 16 жастағы жасөспірімнің бұралқы итке талануы бұл мәселенің қаншалықты өзекті екенін көрсетті.
Депутат қолданыстағы заңнама бойынша иттерді ұстап, зарарсыздандырып, қайта жіберу практикасы өз тиімділігін дәлелдемегенін айтты.
Мемлекеттің басты міндеті – азаматтардың қауіпсіздігін қамтамасыз ету. Сондықтан бұл мәселені түбегейлі шешу үшін нақты шаралар қабылдау қажет,– деді Еділ Жаңбыршин.
Оның сөзінше, бұралқы иттерді бақылауда ұстаудың экономикалық және әлеуметтік салдары зерттелуі тиіс. Мәжіліс депутаттары бұл мәселені реттеу үшін заң жобасын әзірлеп, талқылап жатыр.
