Нұр-Сұлтанда карантин режимін бұзғандарға 12,4 млн теңге айыппұл салынды
27.07.2020
1 мин
0
955
Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау департаменті 5 шілдеден бастап жеке тұлғалар мен кәсіпкерлік субъектілеріне қатысты карантин шараларын сақтамағаны үшін жалпы сомасы 12 472 220 теңгені құраған 50 хаттама жасағанын мәлімдеді.
Аталған әкімшілік құқықбұзушылық туралы хаттамалар бүгінгі таңдағы COVID-19 коронавирустық инфекциясының кесірінен болған эпидемиологиялық жағдайды ескермей, санитарлық-эпидемиологиялық заңнама талаптарын сақтамағаны үшін толтырылды. Атап айтар болсақ, жұмыс режимінің сақталмауы, медициналық бетпердені тақпау, белгіленген қашықтықты сақтамау және уақытша жұмыс істеуге тыйым салынған объектілердің қызметін тоқтатпауы айыппұл салуға себеп болып отыр.
