|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Мемлекет басшысы Қасым-Жомарт Тоқаев халыққа Жолдауында су ресурстарын сақтау мәселесіне тоқталды, - деп хабарлайды Dauletten.kz.
Президенттің айтуынша, су үнемдейтін технологияларды енгізу баяу жүріп жатыр, нақты нәтиже әлі жоқ. Бұл бағытқа халықаралық тәжірибесі бар компанияларды тарту, сондай-ақ әлемдегі озық технологияларды сатып алу қажет.
Президент су тапшылығына байланысты қиындықтар болуы мүмкін екенін, бірақ диқандар суды көп қажет ететін дақыл егуді азайтпайтынын атап өтті. Сондай-ақ «қара нарықтағы» суды заңсыз сату мен сатып алу фактілерін құқық қорғау органдары бақылауы тиіс.
Арал теңізі тәжірибесі жақсы мысал болып отыр. Солтүстік Арал айдыны 36%-ға ұлғайып, су көлемі екі есе артты, тұз мөлшері екі есеге азайды. Дегенмен, Каспий теңізінің тартылып бара жатқаны экологиялық апат қаупін туғызуы мүмкін.
Президент Қытайда өткен ШЫҰ кеңейтілген отырысында бұл мәселені көтеріп, Су мәселелері жөніндегі кеңес құруды ұсынғанын атап өтті.
- Каспий теңізі – бір елдің ғана емес, бүкіл аймақтың тағдырына қатысы бар. Сондықтан жұмылып әрекет ету қажет, – деді Тоқаев.
Мемлекет басшысы Үкіметке Каспий су ресурстарын сақтау жөніндегі мемлекетаралық бағдарламаны әзірлеп, оны серіктес мемлекеттермен келісуді тапсырды. Президенттің айтуынша, бүгінгі дұрыс шешім ертеңгі ұрпаққа игілік әкеледі, ал су үнемдеу мәдениетін қалыптастыру қаражаттан да маңызды.
