|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қасым-Жомарт Тоқаев Түрікменстан Президентімен келіссөз өткізді, - деп хабарлайды Dauletten.kz.
Қазақстан Президенті Қасым-Жомарт Тоқаев Түрікменстан Президенті Сердар Бердімұхамедовті ресми сапарымен қарсы алып, екі ел арасындағы стратегиялық серіктестік пен бауырластық қарым-қатынасты одан әрі дамыту қажеттігін атап өтті.
– Құрметті Президент Сердар Гурбангулыевич, Қазақстан Республикасына қош келдіңіз! Еліміз Түрікменстанды стратегиялық серіктес, бауырлас мемлекет санайды. Бізді ғасырлар бойы жалғасып келе жатқан достық, ортақ тарих, тіл мен мәдениет біріктіреді. Сауда-экономикалық және мәдени-гуманитарлық байланыстар қарқынды дамып келеді, – деді Тоқаев.
Сердар Бердімұхамедов өз кезегінде қонақжайлық үшін алғысын білдіріп, екі ел арасындағы ынтымақтастықтың саяси, экономикалық және мәдени бағыттарда тұрақты дамып келе жатқанын атап өтті.
– Құрметті Қасым-Жомарт Кемелұлы, Қазақстанға ресми сапармен шақырғаныңыз үшін ризашылығымды білдіремін. Қазақ жерінде көрсеткен қонақжайлығыңыз бен сый-құрметіңіз үшін алғысымды жеткіземін. Біз достық пен бауырластық қағидаларына сүйене отырып ынтымақтастығымызды әрі қарай дамытуды жалғастырамыз, – деді Түрікменстан Президенті.
