Жаңалықтар

Қазақстандықтар табысының көбін қайда жұмсаған?

24.04.2023

1 мин

4

865

Ұлттық статистика бюросының мәліметіне сәйкес, 2022 жылы Қазақстанда жан басына шаққандағы орташа ақшалай табыс 964 447 теңгені құрады, деп хабарлайды Dauletten.kz.

2022 жылдың соңында Қазақстандағы инфляция жағдайы 20 пайыздық межеден өтіп, азық-түлік бағасы да артқан болатын.

Тұтынушылық сипаттағы шығын мөлшері шамамен 861 942 теңгені (92,6%) құрады. 2022 жылы қазақстандықтар азық-түлікке орта есеппен 476 110 теңге (51,1%), азық-түлік емес тауарларға 226 817 теңге (24,4%), түрлі ақылы қызметтерді төлеуге 159 015 теңге (17,1%) жұмсаған. Шығындардың бір бөлігі туыстарына материалдық көмек көрсетуге және алимент өндіруге (1,7%), несиелер мен қарыздарды өтеуге (5,5%) және салықтарды (0,2%) төлеуге кеткен. Азық-түлік өнімдеріне жұмсалған шығынға тоқталар болсақ, 2022 жылы әрбір қазақстандық орташа есеппен алғанда азық-түлікке шамамен 441 187 теңге кетірген, ал сыртта, яғни кафе, мейрамхана және басқа да қоғамдық тамақтану орындарына 14 714 теңге жұмсалған.

фото: kaz.kazlenta.kz