|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Гарвард университетінің аға ғылыми қызметкері, Дэвис орталығының Орталық Азия бағдарламасының жетекшісі Наргис Касенова Қазақстанға Ресейден төнуі мүмкін қауіптер туралы айтып берді, - деп хабарлайды Dauletten.kz.
– Біз белсенді сайлау саясаты бар елдерде Ресейдің қалай араласатынын көріп отырмыз. Молдова мен Грузиядағы жағдайлар да бұған мысал. Егер саяси жүйеде либерализация жүргізілсе, мұндай араласуды тоқтату мүмкіндігі артады. Біз Мәскеудің саяси қозғалыстар мен партияларға қолдау көрсетіп, қысым жасағанын және бұл қысымның күшейіп жатқанын білеміз. Бұл – Ресей тарапынан болуы мүмкін ең үлкен қауіп, – деді бірнеше жылдан бері АҚШ-та жұмыс істеп келе жатқан белгілі саясаттанушы.
Оның пікірінше, Ресей бастапқыда “ішкі саяси процестерге араласуы мүмкін”, ал келесі кезеңде “ашық агрессияға” көшу ықтималдығы бар.
– Үшінші деңгей – ашық агрессия. Алайда мен оның ықтималдығы аса жоғары емес деп ойлаймын. Ресей Орталық Азия аймағында ашық қақтығыстарға бармайды, – деді ол.
Сонымен қатар, саясаттанушы ресейлік шенеуніктер мен саясаткерлердің Қазақстанға қатысты қысымын да атап өтті.
– Егер ресейлік сарапшылардың пікірлерін оқысақ, олар “Қазақстан, Армения сияқты елдер бізден алыстап кетті, алғыс білдірмейді, ешқайда кете алмайтындарын өздері түсінбейді” деген ойларды жиі айтады. Олар “қазір арнайы операциялармен айналысып жатырмыз, кейін тәртіп орнату қажет болады” деп те жазады. Бұл қысымның артып келе жатқанын көрсетеді. Егер Ресей басқа аймақтардағы мәселелерін шешіп алса, біз қандай да бір себеп тудырмасақ та, оларға бәрі ұнамайды. Біздің тарих кітаптарымыз бен баспасөзіміздің өзі оларды тітіркендіреді, – деп түйіндеді саясаттанушы.
