|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
"Қазгидромет" деректері бойынша 30 желтоқсан күні Астана, Шымкент қалаларында және елдің 15 өңірінде қолайсыз ауа райына байланысты дабылды ескерту жарияланды, - деп хабарлайды Dauletten.kz.
Астанада түнде және таңертең тұман болуы ықтимал. Қарағанды мен Ұлытау облыстарында қарлы бұрқасын болуы мүмкін. Қызылорда мен Ақмола облыстарында көктайғақ пен тұман болжанған. Ақтөбе облысының кей аумақтарында тұман түседі.
Жамбыл облысының таулы аймақтарында тұман мен көктайғақ күтіледі. Бұл өңірде желдің жылдамдығы кей жерлерде 23-28 м/с дейін күшеюі мүмкін. Түркістан облысының таулы аудандарында жауын-шашын мол түсіп, түнде тұман болады, желдің екпіні 28 м/с-қа дейін жетеді.
Шымкентте күндіз қатты жауын-шашын жауып, оңтүстік-батыстан жел соғады, жылдамдығы 15-20 м/с болады. Батыс Қазақстан мен Маңғыстау облыстарында көктайғақ пен тұман сақталады. Қостанай мен Солтүстік Қазақстан облыстарында да көріну қашықтығын шектейтін тұман түседі.
Шығыс Қазақстан мен Абай облыстарында жаяу бұрқасын болуы ықтимал. Абай облысында жел екпіні 20 м/с-қа дейін күшейсе, Жетісу облысының Алакөл маңында да жел қарқыны осындай деңгейге жетеді.
Мұндай ауа райына байланысты еліміздегі республикалық жолдардың кейбір учаскелерінде көлік қозғалысына шектеу қойылғаны хабарланды.
