|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Dauletten.kz ұшақ бортындағы қауіпсіз орындар туралы айтып береді.
Ұшақ салоны қауіпсіздік деңгейіне қарай үш аймаққа бөлінеді:
• Қызыл аймақ (ұшақтың алдыңғы бөлігі): Бұл аймақта қауіп деңгейі жоғарырақ, себебі соққы жиі осы бөлікте болады. Комфортты орындар болғанымен, апат кезінде тірі қалу мүмкіндігі аз.
• Сары аймақ (ұшақтың ортаңғы бөлігі): Бұл аймақта тірі қалу ықтималдығы жоғарырақ — статистика бойынша, мұнда отырған жолаушылардың 56%-ы апаттан аман қалған.
• Жасыл аймақ (ұшақтың артқы бөлігі): Ең қауіпсіз аймақ. Соңғы алты қатардағы орындарда отырған жолаушылардың 69%-ы апаттан тірі қалған.
Апат түріне қарай тірі қалу мүмкіндігі өзгеруі мүмкін. Мысалы, ұшақ бортында өрт шықса, апаттық шығуға жақын, дәліз жанындағы орындар қауіпсізірек. Әсіресе, апаттық шығудан бес қатардан алыс отырмаған жөн. Ал өрт көбінесе ұшақтың қанат тұсынан басталады, себебі жанармай бактары сол жерде орналасқан. Мұндай жағдайда ұшақтың алдыңғы және артқы бөлігінде отырған жолаушылардың эвакуацияға көбірек уақыты болады.
Nomadsoul мәліметінше, краш-тесттер нәтижесі бойынша, ең қауіпсіз орындар — соңғы үш қатардағы, қатардың ортасындағы және дәліз жақтағы орындар. Бұл орындар дәретханаға жақын және шығыс есіктерінен алыс болғандықтан, көбіне сұраныс аз, бірақ олар апаттан аман қалу мүмкіндігін арттырады.
Қорытынды
Егер сіз үшін қауіпсіздік жайлылықтан маңызды болса, соңғы үш қатардағы дәліз жақтағы немесе ортасындағы орындарды таңдаған жөн. Олар танымал болмаса да, апат кезінде тірі қалу мүмкіндігін айтарлықтай арттырады.
