|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
26-28 наурыз аралығында Ақтөбе және Қостанай облыстарында ауа температурасының жылы болуына байланысты су деңгейінің көтерілуі күтілуде. Кей елді мекендерді және жергілікті маңызы бар жолдарды су басу қаупі бар, деп хабарлайды Қазгидромет.
Ақтөбе облысында жауын-шашын жаууы ықтимал, сондай-ақ қардың қарқынды еруіне байланысты Ақтөбе қаласы және Ақтөбе облысында еріген су ағыны қалыптасуы мүмкін. Су объектілеріндегі мұз режимі әлсірей бастады, өзендерде су деңгейі көтерілуде, бұл ретте судың жайылуы мен тасқыны болуы мүмкін.
Сонымен қатар Қостанай облысы бойынша ауа температурасының жылы болуына (түнде 2 градусқа дейін, күндіз 5-13 градусқа дейін жылы) және жауын-шашынның түсуіне байланысты өңірдегі өзендерде мұз режимінің әлсіреуі және су деңгейінің көтерілуі күтілуде.
Бұл ретте автожолдарды, елді мекендерді және шаруашылық құрылыстарды су басуы мүмкін.
