Жаңалықтар

Сатып алу құқығынсыз жалға берілетін баспанаға өтінім беру басталады

30.11.2020

1 мин

19

2904

Нұр-Сұлтан қаласында Тұрғын үй орталығы «Халықтың әлеуметтік жағынан осал топтары» санаты үшін сатып алу құқығынсыз жалға берілетін тұрғын үйге құжаттарды қабылдау 2 желтоқсаннан 9 желтоқсанға дейін жалғасады, деп хабарлайды Dauletten.kz.

Халықтың әлеуметтік жағынан осал топтарына келесі санаттар жатады:
1) жеңілдіктер бойынша ҰОС ардагерлеріне теңестірілген ардагерлер;
2) басқа мемлекеттер аумағындағы ұрыс қимылдарының ардагерлері;
3) 1 және 2 топтағы мүгедектер;
4) мүгедек балалары бар немесе оларды тәрбиелеуші отбасылар;
5) кейбір созылмалы аурулардың ауыр түрлерімен ауыратын адамдар;
6) жасына байланысты зейнеткерлер;
7) жетім балалар;
8) қандас;
9) экологиялық зілзалалар салдарынан тұрғын үйінен айырылған адамдар;
10) қызметтік міндеттерін атқару кезінде қаза тапқан (қайтыс болған) адамдардың отбасылары;
11) толық емес отбасылар.

Пәтерлердің жалпы саны 309, оның ішінде:
165 бір бөлмелі пәтер (34-36 ш.м.);
141 екі бөлмелі пәтер (48-51 ш.м.);
3 үш бөлмелі пәтер (68 ш.м.);

Пәтерлердің жалпы көлемінен 93 пәтер «жетім балалар» санатына берілетін болады.
Тұрғын үй түрі: сатып алу құқығынсыз жалға берілетін тұрғын үй;
Орналасқан жері: Тілендиев даңғылынан оңтүстікке қарай Сарыбұлақ ағысының бойындағы Б-7 Лот;
Ай сайынғы жалдау ақысы: 5 000-нан 15 000 теңгеге дейін;
Құжаттарды қабылдау тек электронды түрде («Онлайн қызметтер» - «Сатып алу құқығынсыз жалға берілетін тұрғын үйге өтінім беру» бөлімі) zhilfond.kz сайты арқылы жүргізіледі.

Бағдарлама шарты бойынша «Халықтың әлеуметтік жағынан осал топтары» санаты бойынша Нұр-Сұлтан қаласында тұрғын үй кезегінде тұру.

Өтініш беруге қажет құжаттар тізімі:

1) ЭЦҚ кілті;
2) отбасы мүшелері балаларының туу туралы куәлігі/жеке куәлігі сканерленген нұсқасы (болған жағдайда);
3) мүгедектік туралы анықтаманың сканерленген нұсқасы (болған жағдайда).
Өтініштерді қарастыру нәтижелері zhilfond.kz сайтында және тұрғын үй орталығының әлеуметтік желілерінде жарияланатын болады.