Жаңалықтар

Зейнетақы ақшасын өсірген компаниялар рейтингі белгілі болды

22.09.2026

мин

0

227

Сурет: Қазақ газеттері

2026 жылдың алғашқы сегіз айындағы нәтиже бойынша жекеменшік зейнетақы активтерін басқарушы компаниялардың барлығы дерлік инфляциядан жоғары табыс көрсетті. Ең жоғары номиналды кірістілік «Сентрас Секьюритиз» портфелінде тіркелген, — деп хабарлайды Dauletten.kz.

Қазақстандықтардың зейнетақы жинағын жекеменшік басқарушы компанияларға сеніп тапсырған салымшылардың қаражаты жыл басынан бері әртүрлі деңгейде өскен.

2026 жылдың қаңтар-тамыз айларындағы көрсеткіш бойынша жекеменшік басқарушылардың нәтижелері 6,37% болған жинақталған инфляциямен салыстырылды. Ұсынылған дерекке сәйкес, компаниялардың басым бөлігі осы межеден жоғары табыс көрсеткен.

Номиналды табыстылық бойынша алғашқы орында «Сентрас Секьюритиз» тұр. Компания басқаруындағы портфельдің кірістілігі 12,18%-ды құраған. Инфляцияны шегергендегі нақты табыстылығы 6,43% болған. Басқаруындағы актив көлемі – 22,6 млрд теңге.

Екінші нәтиже Halyk Finance компаниясында. Оның портфелі 9,06% өсіп, нақты табыстылығы 2,69%-ды құрады. Компания басқаруындағы активтердің көлемі 77,6 млрд теңгеге жеткен.

Үшінші орында Alatau City Invest тұр. Компанияның номиналды табыстылығы 8,25%, нақты табыстылығы 1,88% болған. Портфель көлемі – 24 млрд теңге.

BCC Invest 8,09% номиналды және 1,72% нақты табыс көрсеткен. Компанияның басқаруындағы портфель 19,6 млрд теңгені құрайды.

Ал Halyk Global Markets басқаруындағы зейнетақы активтері 7,55% өсіп, нақты табыстылығы 1,18% болған. Портфель көлемі – 6,6 млрд теңге.

Tansar Capital көрсеткіші 2,43% деңгейінде қалыптасқан. Компанияның басқаруындағы портфель көлемі – 743,7 млн теңге.

Бұл ретте зейнетақы активтерінің негізгі бөлігін басқаратын Қазақстан Ұлттық банкінің портфелі аталған кезеңде инфляцияны ескергенде 2,17%-ға төмендеген.

Яғни жекеменшік басқарушылар арасында номиналды табыстылық бойынша ең жоғары көрсеткіш «Сентрас Секьюритизде» тіркелгенімен, нақты нәтиже инфляция деңгейі ескеріліп есептелетінін де назарда ұстаған жөн.