Бизнесті қолдау

1 000 000 теңге көлемінде: Қазақстанда шағын гранттар байқауына өтінім қабылдау басталды

17.07.2025

1 мин

0

406

Сурет: ortcom.kz

Қазақстан Республикасының Мәдениет және ақпарат министрлігі Бірыңғай грант операторының қолдауымен шағын гранттар байқауына өтінім қабылдау басталғанын хабарлады, - деп хабарлайды Dauletten.kz.

Байқау жеңімпаздары өз жобаларын іске асыру үшін 1 000 000 теңгеге дейін қаржылай қолдауға және ұйымдастырушылар тарапынан әдістемелік сүйемелдеуге ие болады. Жобаларды жүзеге асыру мерзімі – 3 айға дейін.

Шағын гранттар келесі басым бағыттар бойынша бөлінеді:

• волонтерлік бастамаларды дамыту (төтенше жағдайлар, экология, медицина, мәдениет, әлеуметтік сала, жануарларды қорғау) – 60 грант;
• инклюзивті қоғамды дамыту – 18 грант;
• ауылдық бастамаларды қолдау – 18 грант.

Өтінімдер 2025 жылғы 16 шілдеден бастап 4 тамызға дейін қабылданады.

Байқауға келесі үміткерлер қатыса алады:

• тіркелген үкіметтік емес ұйымдар (ҮЕҰ);
• волонтерлік жобалар бойынша бастамашыл топтар;
• 18 жастан асқан жеке тұлғалар (волонтерлік жобалар аясында).

Барлық мәліметті Азаматтық бастамаларды қолдау орталығының ресми сайтынан (www.cisc.kz) “Гранттар” → “Шағын гранттар” бөлімінен табуға болады. Мұнда байқаулар мен ұйымдастырушылар жайлы толық ақпарат ұсынылған.

Айта кетейік, байқау гранттық жобаларды жүзеге асырып жүрген үкіметтік емес ұйымдардың бастамасымен ұйымдастырылып отыр.