|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Индустрия және инфрақұрылымдық даму вице-министрі Аманияз Ержанов онлайн брифингте Қазақстанда жыл соңына дейін үш мыңға жуық жасанды тыныс алдырту аппараты шығарылатынын айтты.
Ал жасанды тыныс алдыртудың мобильді аппараттарын шығаратын «Тыныс» АҚ шілде айының соңына дейін 270 мобильдік аппаратты Денсаулық сақтау министрлігі мен әкімдіктерге жеткізеді.
Аманияз Ержанов тыныс алдырту аппаратының алғашқы 50 данасы осы айда жеткізілетінін хабарлады. Болжам бойынша аталған аппараттың жыл соңына дейін 3 000 данасы қажет екенін ескеріп, өндірушілер айына орташа есеппен 550 аппарат шығаруды жоспарлап отыр.
Қосымша қажеттілік туындаған жағдайда «ОралМедРегион» ЖШС және «Қазмедприбор» ЖШС-ның қуатын арттыру көзделіп отыр. Бұл айына орта есеппен 386 аппарат немесе жыл соңына дейін 1 930 дана.
«Қазіргі уақытта Қытай мен Түркиядан сынақ үшін аппараттар жеткізілді. Біріншісі денсаулық сақтау министрлігіне берілді, екіншісі бүгін беріледі. Сынақ сәтті аяқталған жағдайда кәсіпорындар оларды өндіруге кіріседі», – деді вице-министр.
Демек, отандық өндірушілер жыл соңына дейін 4 930 стационарлық және 2 695 мобильдік аппарат шығара алады.
