Жаңалықтар

42 500 теңгені төлеу ережесіне өзгеріс енгізілді

11.08.2020

1 мин

22

3365

Азаматтар 42 500 теңгені электронды әмиянға ала алады. Бұл туралы еңбек және халықты әлеуметтік қорғау министрінің бұйрығында жазылған.

Әлеуметтік көмек төлеудің бекітілген ережесінде "электронды ақша жүйесінің операторы" ұғымы көрсетілген. Яғни карантинге байланысты жұмысынан айырылған азаматтар өздерінің электронды әмиянына 42 500 теңге көлеміндегі төлемді ала алады.

Электронды ақша жүйесінің операторлары ақша түсетін электронды әмиянның расымен де карантинге байланысты табысын жоғалтқан азаматқа тиесілі екенін анықтауға міндетті.

"Мемлекеттік корпорацияның бөлімшесі мәліметтерді алған күннен бастап бір жұмыс күні ішінде электронды ақша жүйесінің операторына өтініш берушінің тегін, атын, әкесінің атын (бар болса), әмиянның сәйкестендіру кодын, ұялы телефон нөмірін (бар болса), сондай-ақ электрондық ақша жүйесі операторының атауын қамтитын деректерді жібереді", - делінген бұйрықта.

2020 жылдың шілдесінде МӘСҚ-тан бір реттік төлем алған қазақстандықтарға карантиннің ұзартылуына байланысты қосымша 21 250 теңге берілетіндігі айтылды. 42 500 теңге алған қазақстандықтарға төлем автоматты түрде тағайындалады. 

Дереккөз: Sputniknews.kz