|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Алматыда Қарғалы өзенінің түсі өзгеріп, тұрғындар арасында алаңдаушылық туғызды. 4 тамыз күні Жандосов көшесі мен Абай даңғылының аралығындағы аумақта өзен суының жасыл түске боялғаны байқалған, - деп хабарлайды Dauletten.kz.
Алдын ала болжам бойынша, көпір маңынан өзенге белгісіз жасыл түсті химиялық зат төгілген болуы мүмкін. Анық-қанығын білу үшін Алматы қаласының Экология және қоршаған ортаны қорғау басқармасының мамандары оқиға орнына барып, тексеріс жүргізді.
Судың құрамын анықтау мақсатында Экология департаменті мен Санитариялық-эпидемиологиялық бақылау департаментінің мамандары су үлгілерін алып, зертханалық сараптамаға жіберді.
Қазіргі таңда Алматы қаласының Экология басқармасы, Наурызбай ауданы әкімдігі, Экология департаменті, Санитариялық-эпидемиологиялық бақылау департаменті және Балқаш-Алакөл бассейндік инспекциясы бірлесіп, ластану себебін және оған жауапты тұлғаларды анықтау бойынша жұмыстар жүргізіп жатыр.
Мамандардың айтуынша, бүгінгі күні өзендегі су табиғи арнамен ағып жатыр. Қазіргі уақытта ластану белгілері байқалмаған.
