|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
23 мамыр күні Алматы Менеджмент университетінің базасында Алматы қаласының жастарына арналған көктемнің ең жарқын әрі мазмұнды шараларының бірі – «IQ-Ala jastary» қалалық зияткерлік ойыны аясында жастар лигасы өтті, - деп хабарлайды Dauletten.kz.
Іс-шараны Алматы қаласы Жастар саясаты басқармасының қолдауымен "Жаухар" ұлттық салт-дәстүрді қолдау қоры ұйымдастырды. Жобаның мақсаты – жастардың зияткерлік және шығармашылық әлеуетін дамыту, білімге деген қызығушылығын арттыру, сондай-ақ ұлттық құндылықтар мен патриоттық рухты дәріптеу.
Ойын 4 түрлі лига бойынша ұйымдастырылды:
• Студенттік лига
• Белсенді жастар лигасы
• Жұмысшы жастар лигасы
• Әртүрлі санаттағы жастар лигасы
Жастар лигасында 20 команда қатысып, өзара мықтыны анықтады. Ойын қызықты әрі тартысты өтті. Қатысушылар логикалық ойлау қабілетін, жан-жақты білім деңгейін және командалық үйлесімділікті жоғары дәрежеде көрсетті.
Нәтижесінде 5 үздік топ жеңімпаз атанып, финалдық кезеңге жолдама алды. Команда мүшелерінің бірлігі мен білім деңгейі көрермендер мен сарапшылар тарапынан жоғары бағаланды.
Шараға қаламыздың жоғары оқу орындары мен колледж студенттері, жұмысшы және белсенді жастар, сонымен қатар түрлі сала өкілдері мен құрметті қонақтар қатысты. Жоба Алматы Менеджмент университетінің базасында ұйымдастырылып, қатысушыларға арналған тимбилдингтер мен семинар-тренингтер де ұйымдастырылды.
Бұл ойын – жастар үшін өзін танытуға, жаңа достар табуға, әрі заманауи форматтағы патриоттық тәрбие алуға берілген бірегей мүмкіндік болды.
