Жаңалықтар

Алаяқтар алдаудың жаңа тәсілін қолдана бастады

09.04.2026

мин

0

285

Алаяқтар алдаудың жаңа тәсілін қолдана бастады, - деп хабарлайды Dauletten.kz.

Олар азаматтарға мемлекеттік байланыс орталығының нөміріне ұқсас нөмірден хабарлама жібереді. Хабарламада сізге айыппұл салынғаны жазылып, оны тексеру немесе төлеу үшін сілтеме беріледі.

Бір қарағанда бұл сілтеме ресми сайт сияқты көрінеді. Алайда шын мәнінде ол — eGov порталына ұқсатып жасалған жалған сайт.

Бұл сайтта кез келген ЖСН немесе көлік нөмірін енгізсеңіз де, жүйе автоматты түрде “айыппұл бар” деген жалған ақпарат көрсетеді. Бұл — пайдаланушыны сендіру үшін жасалған айла.

Ал “төлеу” батырмасын басқанда, сайт банк картаңыздың толық деректерін енгізуді сұрайды. Осы мәліметтер арқылы алаяқтар сіздің шотыңыздан ақша шешіп алады.

Полиция азаматтарды күмәнді сілтемелерді ашпауға және жеке деректерін бөгде сайттарға енгізбеуге шақырады.