Brent
WTI
kz
kz ru
Астана
Астана
Алматы
Ақтау
Ақтөбе
Атырау
Қарағанды
Көкшетау
Қостанай
Қызылорда
Павлодар
Семей
Петропавл
Талдықорған
Тараз
Шымкент
Орал
Өскемен
CNY
MNT
KGS
UZS
TRY
Сіздің өтінішіңіз сәтті жіберілді, Рақмет!
Жаңалықтар
Аппаратты 3 есе қымбатқа сатып алған
Жаңалықтар

Аппаратты 3 есе қымбатқа сатып алған

25.07.2020
1 мин
0
717

Қызылорда облысында Денсаулық сақтау басқар­масы басшысының 2 орын­ба­сарына қатысты сотқа дейінгі тергеу амалдары басталды. Олар өкпені жасанды жел­дету стационарлық аппа­ратын 17,4 млн теңгеге сатып алған. Аппараттар құны «СК-Фармация» ұсынған бағадан 3 есе жоғары.

Сыбайлас жемқорлыққа қарсы іс-қимыл агенттігі аталған факт бойынша тергеу амалдарын бастап кетті. Олар Президенттің дәрі-дәрмекті алыпсатарлық фактілерінің жолын кесу жөнін­дегі тапсырмасын орындауға барынша күш салған.

«Еліміздің барлық өңірінде Сыбайлас жемқорлыққа қарсы қызмет, «Адалдық алаңы» жо­балық кеңселері, арнайы мони­торинг тобы, сондай-ақ азаматтық белсенділерден құрылған жұ­мыс топтары 2 500-ден астам дәріханаға, 200 медициналық бұйым қоймасына, 250 аурухана мен емханаға мониторинг жүргізді. Жұмыс нәтижесінде 200-ден астам заңбұзушылық анықталды», – деді Сыбайлас жемқорлыққа қарсы іс-қимыл агенттігі Парасат департаментінің директоры Ғанижан Асанұлы онлайн баспасөз мәслихатында.

Оның айтуынша, елордалық дәріханаларда амлодимед және цеф-3 препаратының бағасы қымбат бағада сатылған. Ал Қа­ра­ғанды, Ақмола, Жамбыл және Павлодар облыстарында дәрілік заттар мен медициналық бұйымдарды азық-түлік базар­ларында және дүкендерінде қайта сату фактілері анықталған. Сонымен қатар Нұр-Сұлтан қаласында, Түркістан және Маңғыстау облыстарында өз қызметін лицензиясыз жүзеге асырған дәріханалар анықталған.

Ал Қостанай облысында облыстық аурухананың лауа­зымды тұлғасына қатысты өкпені жасанды желдету аппаратын 35%-ға жоғары бағамен жеткізуге шарт жасасу фактісі тіркелген. Нақты бағасы 520 мың теңге болған жағдайда сатып алу 702 мың теңгеге жоспарланған.

 

А.ЖОЛДАС

0 Пікір
Қазір желіде отырғандар
Человек
Көп оқылған мақалалар
  • тәулік
  • апта
  • ай
  • жыл