Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Қазақстан азаматтарына ақпаннан бастап коронавирусқа қарсы екпе салу басталады. Жыл соңына дейін 6 млн азаматқа вакцина салу жоспарланған. Бұл туралы денсаулық сақтау министрі Алексей Цой айтты.
Оның айтуынша, 19 қаңтарда Қарағанды фармацевтика кешені мен Ресейлік тікелей инвестициялар қоры арасында "Спутник V" екпесін 20 мың доза алғашқы партиясын жеткізу туралы келісімге қол қойылады.
"1 ақпанда халықтың кейбір топтарына коронавирус инфекциясына қарсы вакцина егу басталады. Екпе салу оның жеткізілуіне байланысты кезең бойынша жүзеге асады", – деді ол.
Бірінші кезеңде – 100 мың азаматқа екпе салу жоспарланған. Олардың қатарында медицина қызметкерлері, санитарлық-эпидемиологиялық қызмет жұмысшылары бар. Ал наурыз айынан бастап кезекті кезең басталады. Екінші кезеңде жоспар бойынша, 150 мыңға жуық мектеп мұғалімдері, жоғары оқу орындарының оқытушыларына екпе салынады. Вакцинациялаудың үшінші кезеңінде мектепке дейінгі мекемелердің педагогтері, студенттер, созылмалы аурумен ауыратындар, яғни сәуір айынан бастап 600 мың адамға вакцина салынады.
Сонымен қатар, министр өз сөзінде жыл соңына дейін 6 млн азаматқа COVID-19-ға қарсы вакцина салу жоспарда бар екенін атап өтті.
Тағы көру