|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Баспана алуға арналған бағдарламалар жетерлік. Соның бірі - «Әулиеата жастары» бағдарламасы. Dauletten.kz осы жобаның шарттарын ұсынады.
Шарттары:
- Қарыздың ең жоғары сомасы 15 000 000 (он бес миллион) теңгеге дейін;
- Бастапқы жарна қарыз сомасының 5%-нан кем емес;
- Сыйақы мөлшерлемесі жылдық 5%-ға дейін;
- Қарыз мерзімі 19 жылға дейін;
Сатып алынатын тұрғын үй - Жамбыл облысында бастапқы/қайталама нарықтардағы пайдалануға берілген тұрғын үй және соғылып жатқан үйде «Қазақстан тұрғын үй компаниясы» АҚ кепілдігі бар болған жағдайда үлестік қатысу:
- көппәтерлі тұрғын үйдегі үлесі;
- көп пәтерлі тұрғын үйдегі пәтер;
- жер учаскесі бар пәтер;
Айта кетейік, сатып алынатын тұрғын үйдің құны шектеусіз.
Бағдарлама қатысушысына қойылатын талаптар:
- Қазақстан Республикасының азаматтығы болуы тиіс;
- Жұбайының (зайыбының) жасына қарамастан, бағдарламаға қатысу үшін өтініш берген кездегі Бағдарлама қатысушысының жасы 35 жасқа дейін (қоса алғанда) болуы тиіс;
- Бағдарламаның негізгі қатысушысы ретінде Бағдарлама бойынша үй алуға ерлі-зайыптылардың біреуіне ғана рұқсат беріледі;
- Бағдарлама қатысушысында таңдаған сала бойынша соңғы жұмыс орнындағы лауазымда 6 айдан кем емес жұмыс өтілі болуы тиіс;
- Қатысушыда бағдарламаға өтініш берген сәтте «Отбасы Банк» АҚ-да жинақ шоты және шотында ең жоғарғы қарыздың (15 млн. теңгенің) кемінде 5% мөлшерде жинақ ақшасы болуы тиіс;
- Бағдарламаға қатысушыда және оның жұбайында Қазақстан Республикасының аумағы бойынша соңғы 5 (бес) жылда сатып алу құқығымен жалға берілетін тұрғын үй немесе меншік құқығындағы тұрғын үй (ерлі-зайыптылардың ортақ бірлескен меншігі, отбасының басқа мүшелерімен және туыстарымен бірлескен ортақ үлестік меншігі) болмауы тиіс.
Еске салайық, аталмыш бағдарламаға өтінім беру шілде айының оны күні басталған.
