|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
«Dauletten» қайырымдылық қорының маусым айындағы Қайырымды жұма акциясы аясында «БАЛА-ШАҒАМЕН АУЫЛҒА» жобасы бастау алды. Жоба барысында 5 отбасыны қаладан ауылға көшіру жоспарланған. 2020 жылдың 8-20 маусымы аралығында www.dauletten.kz сайтына келіп түскен 4 911 өтінім тексеріліп, оның ішінен арнайы құрылған комиссия шешімімен 5 отбасы анықталды.
Алғашқы болып Шымкент қаласынан 7 бала тәрбиелеп отырған Серік Ергешұлы мен Ұлбала Сапарбаеваның отбасы таңдалды. Серік 10 жылдан бері жалдамалы жұмыс істеп келеді. Ендігі арманы – ауылға көшіп, халық сыйлаған тамаша мүмкіндікті тиімді пайдалану. Ол ауылдан дүкен ашып, жаңа кәсіп бастағысы келеді.
(суретте: Ұлбала мен Серіктің отбасы)
Келесі кезекте Алматы қаласынан өтінім қалдырған жас әрі көпбалалы Молдағали Бұхарбаев пен Эльвира Байғараның отбасы. Жастайынан жұмысқа араласқан Эльвира кез келген істі дөңгелетіп әкетуге дайын. Ал Молдағали ауылға көшкен соң Дәулеттің қайырымды оқырмандарының арқасында мал шаруашылығын қолға алмақ. Сүт, құрт, май дайындап, табиғи өнім сатамыз дейді.
(суретте: Молдағали мен Эльвираның отбасы)
«Бала-шағамен ауылға» жобасы бойынша бесінші таңдау Қызылорда қаласындағы отбасыға түсті. Биыл 6 балалы Cәрсенбай Наурызбаев пен Раушан Кенжебаеваның отау құрғанына – 12 жыл. Шымкент қаласында 10 жылдан аса уақыт пәтер жалдап келеді. Отбасы бау-бақша мен мал шаруашылығын дөңгелетіп әкетуге сақадай сай.
(суретте: сол жақта Сәрсенбай мен Раушанның отбасы және туыстары)
Осылайша, 12 күннің ішінде 5 бақытты отбасы іріктеліп алынды. Жоба барысында таңдалған әр отбасы үшін бұл таңдау – үлкен мүмкіндік. Дәулеттің қайырымды оқырмандарының арқасында олар енді жаңа өмір бастайды. Үлкен қалада көп баламен пәтерден пәтерге көшпей, қала ішіндегі күнделікті күйбең тіршіліктен ырыс-берекенің құт мекені ауылға барады. Ауыл өмірінің өркендеуіне атсалысып, бұл жобаға ерекше жауапкершілік танытады деген сенімдеміз. Ең бастысы балапандар ешкімге жаутаңдамай, еркін өсіп, ауыл тынысының дамуына жаңа серпін береді деген ойдамыз. Басты мақсатымыз «Балық берме, қармақ бер» ұранын ұстана отыра, аталған отбасыларға кәсіп бастауға, мал шаруашылығын дамытуға, ауылдың дамуыны үлес қосуға жол ашу. Бес отбасы көшірілетін аймақты да оқырмандар таңдады.
Еске сала кетейік, жоба сәтті жүзеге асып жатса, қыркүйек айында тағы 5 отбасыны сол ауылға қоныстандыру жоспарда бар. Жоба Дәулет Төлеутайұлының ҚАЙЫРЫМДЫ ОҚЫРМАНДАРЫНЫҢ арқасында жүзеге асады.
Тағы көру
