|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстанда ауылды жерге көшіп, жұмыс істеуге баратын медицина қызметкерлеріне жәрдемақы төлеу жоспарлануда. Бұл туралы Денсаулық сақтау министрі Алексей Цой айтты.
Оның айтуынша, қазіргі кезде еліміздің ауылдарында 14 804 дәрігер жұмыс істейді. Десек те, әлі де 3 104 қызметкерге сұраныс артып отыр.
"Ауылдағы денсаулық сақтау саласын жақтарту мақсатында қосымша шаралар қабылдау жоспарланған. Мысалы, ауылға көшіп баратын дәрігерлерге 100-ден 1 000 АЕК-ке дейін жәрдемақы тағайындау", - деді ол.
Нәтижесінде, көтерме жәрдемақы мөлшері 291 700 теңгеден 2 917 000 теңгеге дейін артады (2021 жылғы АЕК мөлшеріне қарай).
Сондай-ақ, ауылға жұмыс істеуге барған медицина қызметкерінің баспана мәселесін шешу және жалақы мөлшерін кезең бойынша арттыру көзделген. Аталмыш шаралардың нәтижесінде ауылдағы денсаулық мәселесі жақсарып, 2023 жылға қарай ауылдар тәжірибелі дәрігерлермен қамтамасыз етілмек.
Тағы көру
