Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Елімізде биыл әлеуметтік әмиян жобасы пилоттық режимде іске қосылады.
Ресми мәліметке сүйенсек, азаматтар ағымдағы жылдың желтоқсан айынан бастап әлеуметтік әмиянды қолдана алады. 2022 жылдан бастап жәрдемақылар мен әлеуметтік төлемдер электронды түрде кезең-кезеңімен шотқа аударылады.
Жоба барысында Ұлттық Банктің электронды ақшасы арнайы әмияндарға жіберіледі. Электронды әмиян азаматтардың ЖСН базасының құрылуы арқылы жұмыс істейді. Шоттағы ақша қаржы ұйымдары, коллекторлар мен салық қызметкерлері тарапынан өндіріп алудан қорғалады.
Қазақстандықтар шоттағы қаражатты қашықтан мобильді қосымшадағы жеке кабинетке кіру арқылы басқара алады. Кабинетте әлеуметтік төлем алушы қаражатты тауарлар мен қызметтерге ақы төлеу үшін пайдалана алады.
"Әлеуметтік әмиянды енгізу белгілі бір тауарларды немесе қызметтерді қолма-қол ақшамен алуға және сатып алуға ешқандай шектеу қоймайды", – деп түсіндірді мамандар.
Осы ретте, мамандар бұл жоба енгізілген жағдайда азаматтар әлеуметтік төлемді алу жолын таңдай алатынын атап өтті. Яғни жәрдемақы мен әлеуметтік төлем алатын азаматтар қаражатты әмиянға электрондық ақшамен немесе әдеттегідей банк картасы арқылы қолдана алады.
Тағы көру