Банк, ақша айырбастау пункті мен ломбардтардың жұмыс режимі өзгерді
20.01.2021
1 мин
0
2154
Қазақстан Республикасы азаматтарының өмірі мен денсаулығын қорғау, сондай-ақ Қазақстан Республикасының халқы арасында коронавирустық инфекцияның (COVID-19) таралуын болдырмау мақсатында қаржы нарығындағы субъектілердің жұмыс режимі туралы бірлескен бұйрық шығарылды.
Бұйрыққа сәйкес мына нысандардың жұмыс режиміне өзгерістер енгізіледі:
Екінші деңгейдегі банктер, ҚР бейрезидентбанктерінің филиалдары;
Шетел валютасымен айырбастау пункттері;
Ипотекалық ұйымдар;
Сақтандыру (қайта сақтандыру) ұйымдары, Қазақстан Республикасы бейрезидент-сақтандыру (қайта сақтандыру) ұйымдарының филиалдары;
Сақтандыру брокерлері, ҚР бейрезидентсақтандыру брокерлерінің филиалдары;
Бағалы қағаздар нарығында брокерлік қызметті жүзеге асыратын ұйымдар;
2021 жылғы 19 қаңтардан бастап осы субъектілер қызметтерді барынша онлайн-режимде көрсетуді қамтамасыз ету керек.
"Эпидемиологиялық ахуалды бағалау матрицасына сәйкес мыналарға жататын аймақтарда қызметін жүзеге асыратын субъектілер:
"қызыл" аймаққа – халыққа қызмет көрсеткен кезде күшейтілген санитариялық-дезинфекциялық режим шараларын қатаң сақтаған жағдайда, өндірістік қажеттілік кезінде қашықтан жұмыс істеу нысанына филиалдың (бөлімшенің, пункттің) штат санының кемінде 40% қызметкерлері ауыса алатын филиалдарын (бөлімшелерін, пункттерін) қоспағанда, жалпы штат санының кемінде 60% қызметкерлерінің қашықтан жұмыс істеу нысанына ауысуын қамтамасыз етсін;
"сары" және "жасыл" аймақтарға – халыққа қызмет көрсеткен кезде күшейтілген санитариялық-дезинфекциялық режим шараларын қатаң сақтаған жағдайда, өндірістік қажеттілік кезінде қашықтан жұмыс істеу нысанына филиалдың (бөлімшенің, пункттің) штат санының кемінде 30% қызметкерлері ауыса алатын филиалдарын (бөлімшелерін, пункттерін) қоспағанда, жалпы штат санының кемінде 50% қызметкерлерінің қашықтан жұмыс істеу нысанына ауысуын қамтамасыз етсін.
Бірлескен бұйрық агенттіктің ресми сайтында жарияланған.
