|
|
|
| Товарные рынки | ||
| BID | ASK | |
| Brent | 0.00 | 100.48 |
| Лайт | 0.00 | 96.05 |
| Данные на 14:40 мск | ||
Жетісайда арба сүйреп жүрген 7 жасар бала қауіпсіз жерге орналастырылды, - деп хабарлайды Dauletten.kz.
Жетісайдағы базарда арба сүйреп жүрген 7 жасар бала әлеуметтік желіде жарияланған видеода көпшіліктің жүрегін жаралады. Баланың сөзінше, оның анасы жоқ, 5 жастағы інісі және әкесімен бірге тұрады. Ол мектепке құжаттарының болмауына байланысты бармаған.
Бұл жағдайға байланысты Балалардың құқықтарын қорғау комитеті дереу шаралар қабылдап, баланы қауіпсіз жерге орналастырғанын хабарлады. Қазіргі таңда тиісті органдар балалардың денсаулық жағдайын тексеріп, оларды құжаттандыру мәселелерімен айналысуда.
7 жасар бала мен оның інісі қауіпсіз жерде. Қазіргі уақытта тиісті органдар балалардың денсаулық жағдайы, оларды құжаттандыру және барлық құқықтарды қалпына келтіру мәселелерімен айналысуда. Айта кетейік, әр баланың құқықтары мен мүдделерін, оның ішінде отбасын, қауіпсіздікті, білім беруді және лайықты өмір сүру жағдайларын қорғау басымдық болып табылады. Аталған мәселе түпкілікті шешілгенге дейін Балалардың құқықтарын қорғау комитетінің бақылауында болмақ, — делінген ақпаратта.
Осы видеоның таралуынан кейін, желі қолданушылары балаға көмек көрсету үшін өз пікірлерін білдіріп, жергілікті билікке қатысты сыни пікірлер жазды. Бірқатар пікірде балаларды мектепке қабылдауды, әлеуметтік жағдайларын реттеуді және басшылықтың жауапкершілігін арттыруды талап етті.
